1.Цаг агаар:
Өнгөрсөн хоногт: Дорнод, Орхон, Сэлэнгэ аймгийн нутгаар бороо орсон. Бусад нутгаар цаг агаар тогтуун байлаа.
Өнөөдөр: Зүүн аймгуудын нутгийн зарим газраар бороо орно. Бусад нутгаар багавтар үүлтэй, бороо орохгүй. Салхи нутгийн баруун хагаст баруун өмнөөс, бусад нутгаар баруун хойноос 5-10 м/с, говь, талын нутгаар 13-15 м/с ширүүснэ. Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 13-18 градус, Алтайн өвөр говь, Их нууруудын хотгор болон говийн бүс нутгийн өмнөд хэсгээр 26-31 градус, бусад нутгаар 19-24 градус дулаан байна.
Улаанбаатар хотод: Үүлшинэ, бороо орохгүй, салхи баруун хойноос 7-12 м/с, өдөртөө 16-18 градус дулаан байна.
Төлөв байдал: 28-нд зүүн аймгуудын нутгийн зүүн хэсгээр бороо орно. Бусад хугацаанд бороо орохгүй. Салхи ихэнх хугацаанд 5-10 м/с. 28-нд нутгийн зүүн хэсгээр сэрүүхэн байх боловч цаашдаа ихэнх нутгаар өдөртөө дулаарч Алтай, Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 1-6 градус, өдөртөө 19-24 градус, Их нууруудын хотгор болон говийн бүс нутгийн өмнөд хэсгээр шөнөдөө 13-18 градус, өдөртөө 27-32 градус, бусад нутгаар шөнөдөө 6-11 градус, өдөртөө 22-27 градус дулаан байна.
2.Гал түймэр:
Хувийн өмчид гарсан: Нийслэлийн Сүхбаатар дүүргийн 19 дүгээр хорооны “Баянгол”-ын “Задгай”-д байшин шатаж байна гэсэн дуудлагыг 08.26-ны өдрийн 07:25 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 74 дүгээр ангийн 5 алба хаагч, 1 автомашинтай 1.5 км зам туулан 07:29 цагт очиход иргэн Г-ын 7х4 метрийн хэмжээтэй байшингийн дээврийн хэсэг шатаж байсныг 20 минут ажиллаж унтраасан.
Объектын түймэр: Завхан аймгийн Улиастай сумын Богдын гол багийн “Арал”-ын 60 айлд хогийн цэг шатаж байна гэсэн дуудлагыг 08.26-ны өдрийн 22:35 цагт хүлээн авсан. Тус аймгийн Онцгой байдлын газрын Гал түймэр унтраах, аврах 43 дугаар ангийн 6 алба хаагч, 1 автомашинтай 1 км зам туулан 22:39 цагт очиж 25 минут ажиллаж унтраасан.
3.Тэсэрч дэлбэрэх материалын осол:
Тэсэлгээний хэрэгслийн осол: Дундговь аймгийн Өлзийт сумын Тагт багийн “Завгийн хяр” гэдэг газар /сумын төвөөс баруун урд зүгт 80 км-т/ хууль бусаар ашигт малтмал олборлогч Хэнтий аймгийн Дэлгэрхаан сумын харьяат иргэн У /30 настай, эрэгтэй/ 30 метрийн гүнтэй нүхэнд тэсэлгээ хийх зорилгоор тэсэлгээний бодис авч ороод бодис тэсэрсний улмаас нас барсан тухай дуудлагыг 08.26-ны өдрийн 20:25 цагт хүлээн авсан. Тус аймгийн Онцгой байдлын газрын 7 алба хаагч, 1 автомашинтай 08.26-ны өдрийн 21:10 цагт явж 180 км зам туулан 02:10 цагт очиж хоносон. 08.26-ны өдрийн 06:30 цагаас эхлэн цогцсыг гаргахаар ажиллаж байна.
4.Үйлдвэрлэлийн осол:
Ахуйн осол, гэмтэл: Говьсүмбэр аймгийн Сүмбэр сумын “Төмөр зам” багийн 305 дугаар байр 3.5 метрийн гүнтэй бохирын худагт 2 хүн унасан тухай дуудлагыг 08.26-ны өдрийн 12:22 цагт хүлээн авсан. Тус аймгийн Онцгой байдлын газрын 7 алба хаагч, 1 автомашинтай 1 км зам туулан 12:30 цагт очиход “Ус Ду” ХХК-ийн ажилтан тус аймгийн Сүмбэр сумын иргэн Д/62 настай, эрэгтэй/, Э /47 настай, эрэгтэй/ нар бохирын худгийн ус соруулж байгаад ухаан алдан унасан байсныг эсэн мэнд гаргаж аймгийн Нэгдсэн эмнэлэгт шилжүүлэн өгсөн.
5.Мэдээлэл:
Гамшиг, аюулт үзэгдэл, ослын талаар: Өвөрхангай аймгийн Төгрөг сумын Их-Ус багийн “Гөлтгөнт” гэдэг газар /сумын төвөөс баруун зүгт 15 км-т/ малчин Б-ийн 4 ханатай гэр, 3х2 хэмжээтэй амбаар, доторх эд зүйлсийн хамт 08.26-ны өдрийн 20:30 цагийн орчим шатсан. Орон нутгийн 15 иргэн, 2 автомашинтай ажиллаж унтраасан. Уг гал түймэрт иргэн Б/36 настай, эрэгтэй/ 2 гар түлэгдэж сумын эмнэлэгт хүргэгдсэн тухай мэдээллийг тус сумын Засаг даргын орлогч Д.Батсайхан 21:50 цагт аймгийн Онцгой байдлын газарт ирүүлсэн.
ОНЦГОЙ БАЙДЛЫН ЕРӨНХИЙ ГАЗАР